- पाथरी(लक्ष्मण उजगरे) विधानसभा मतदारसंघात 14 उमेदवार निश्चित झाले असून निवडणूक रिंगणात असलेले सर्व उमेदवारांना त्यांचे निवडणूक चिन्हांचे वाटप ही झालेले आहे अता उमेदवार आपले प्रचार निर्धारित वेळेत विविध माध्यमातून करत आहेत उमेदवारांना आपले प्रचार करताना आदर्श आचारसंहितेचे भंग होणार नाही याची काळजी घेणे ही आवश्यक आहे. यासाठी निवडणूक विभागाने त्यांना प्रचार करण्यासाठी नियम व अटी दिलेल्या आहे.
त्या नियम व अटींच्या पालन करून सर्व उमेदवारांनी आपले प्रचार करावे पाथरी विधानसभा मतदारसंघांमध्ये उमेदवारांकडून त्यांच्या प्रचारातून आदर्श आचारसंहितेचे भंग तर होत नाही ना? यावर निवडणूक विभागाची करडी नजर ठेवण्यासाठी तहसील कार्यालय पाथरी येथे स्वतंत्र आदर्श आचार संहिता कक्ष कायदा व सुव्यवस्था कक्षाचे स्थापना करण्यात आली असून श्री तुकाराम कदम मुख्याधिकारी नगर परिषद पाथरी पथक प्रमुख म्हणून पूर्ण जबाबदारीने काम पाहत आहेत शहरी भागात स्वतंत्र तीन पथक पाथरी ,मानवत व सोनपेठ येथे कार्यरत असून ग्रामीण भागात पाथरी ,मानवत, सोनपेठ व परभणी ग्रामीण असे ग्रामीण 4 पथक कार्यान्वित झाले आहेत व त्याचप्रमाणे भरारी पथक ही स्थापन केलेली आहे जेकी पूर्ण निवडणुकीच्या काळात 24 तास शिफ्ट मध्ये काम करणार आहेत त्यामुळे उमेदवारां कडून किंवा त्यांच्या कार्यकर्त्यांकडून आदर्श आचारसंहितेचे उल्लंघन होत असल्याच्या तक्रारी प्राप्त होताच आदर्श आचारसंहिता पथक प्राप्त तक्रारींची सत्यता पडताळून 100 मिनिटात कारवाई करून तक्रारींचे निपटारा करणार असल्याची माहिती श्री शैलेश लाहोटी निवडणूक निर्णय अधिकारी पाथरी यांनी दिली.
BREAKING NEWS
- Advertisement -![spot_img]()
